Cennaro Qattuzo “Valensiya”nın yeni baş məşqçisi olub. Corner.az xəbər verir ki, bu barədə La Liqa klubunun rəsmi saytı məlumat yayıb. 44 yaşlı çalışdırıcı ilə 2 illik müqavilə imzalanıb. Qattuzo "yarasalar"da ilinə 3 milyon avro məvacib alacaq.
Bildirək ki, Qattuzonun son klubu 2021-ci ilin may ayının sonunda “sükanı arxasına” keçdiyi “Fiorentina” olub. Lakin rəhbərliklə fikir ayrılığı səbəbindən o, iyunun ortalarında komandadan ayrılıb.
Qattuzo daha əvvəl “Palermo”, “Milan” və “Napoli” kimi klublarda çalışıb.
“Valensiya”nın əvvəlki baş məşqçisi Xose Bordalas idi. O, iyunun 3-də komandadan ayrılıb.
