"Liverpul” hücumçusu Sadio Manenin transfer qiyməti ilə bağlı tələbləri aşağı salıb. Corner.az xəbər verir ki, bu barədə Almaniyanın “Bild” nəşri məlumat yayıb.
Daha əvvəl Mersisayd təmsilçisi “Bavariya”nın 30 yaşlı futbolçu üçün təxminən 35 milyon avroluq ikinci təklifini rədd etmişdi.
Mənbə, “Liverpul”un rədd cavab verməsinə baxmayaraq, klublar arasında danışıqların davam etdiyi və irəliləyişlər olduğunu yazıb.
Mane üçün əvvəlcə Münhen təmsilçisi 50 milyon avro istəyən İngiltərə nəhənginjn indi 45 milyona razılaşdığı qeyd edilir.
Eyni zamanda, Manenin özü də Münhenə köçmək istəyir və “qırmızılar”ın baş məşqçisi Yurgen Klopp artıq onun transferinə prinsipial razılıq verib.
Mane ötən mövsüm “Liverpul”un heyətində bütün turnirlərdə 50 oyunda 23 qol vurub və 2 məhsuldar ötürmə verib. Onun “Liverpul”la müqaviləsi 30 iyun 2023-cü ilə qədərdir.
