Halann Mançester Siti ilə müqavilə bağladı

Almaniyanın "Borussiya" (Dortmund) komandasının sabiq futbolçusu Erlinq Halann İngiltərənin "Mançester Siti" klubu ilə müqavilə bağlayıb.

Corner.az-ın klubun rəsmi saytına istinadən məlumatına görə, 21 yaşlı hücumçu kollektivə iyulun 1-dən qoşulacaq. Onun müqaviləsi 2017-ci ilin yayınadək qüvvədə olacaq.

Daha əvvəl "Mançester Siti"də Erlinq Halannın atası Alf-İnge Holann çıxış edib.  Norveçli futbolçu Dortmund "Borussiya"sının formasını 2020-ci ilin yanvarından geyinib. Bu müddətdə o, 89 qarşılaşmada 86 qol və 23 məhsuldar ötürmə edib.

Qeyd edək ki, "Transfermarkt" Erlinq Halannın transfer məbləğini 75 milyon avro ilə qiymətləndirib.