İngiltərənin “Çelsi” klubu yarımmüdafiəçisi Billi Gilmorla müqavilənin müddətini uzadıb. Corner.az xəbər verir ki, bu barədə London klubunun rəsmi saytı məlumat yayıb.
Tərəflər arasındakı yeni sözləşmənin müddəti 2024-cü ilin yayına qədərdir.
2019-cu ildən “Çelsi”nin əsas komandasında çıxış edən 21 yaşlı futbolçu, “zadəganlar”ın heyətində cəmi 11 matça çıxıb. Şotlandiya yığmasının üzvü ötən mövsümü icarə əsasında “Norviç Siti”də keçirib.
