"Mançester Yunayted"dən azad agent qismində ayrılan Nemanya Matiçin yeni klubu bəlli olub. Corner.az xəbər verir ki, İtaliyanın “Roma” klubu 33 yaşlı futbolçubu heyətinə qatıb.Bu barədə paytaxt təmsilçisinin rəsmi saytı məlumat yayıb.
Məlumatda, serbiyalı futbolçu ilə 1 illik müqavilə imzalandığı vurğulanıbb. Matiç "canavarlar"da 21 nömrəli formanı geyinəcək.
Matiç 2017-ci ildə "Çelsi"dən MY-yə keçib. Son mövsümdə bütün turnirlərdə 32 matça çıxan serb oyunçu 4 məhsuldar ötürmə edib. O, həm "zadəganlar"ın, həm də "qırmızı şeytanlar"ın heyətində "Roma"nın indiki baş məşqçisi Joze Mourinyunun rəhbərliyi altında çıxış edib.
