Kurban Berdıyev Traktor klubu ilə anlaşdı

İranın "Traktor" klubunun yeni baş məşqçisi bəlli olub.

Corner.az "Fars" agentliyinə istinadən xəbər verir ki, Təbriz təmsilçisi Kurban Berdıyevlə anlaşıb.

İki gün öncə Tehrana gedən rusiyalı mütəxəssis klub rəhbərliyi ilə görüşüb və tərəflər arasında ilkin razılıq əldə olunub. Hazırda müqavilənin detalları müzakirə olunur.

İddiaya görə, 70 yaşlı baş məşqçi yaxşı komanda formalaşdırmaq istədiyi üçün transfer ediləcək futbolçuların siyahısını rəhbərliyə təqdim edib.

Qeyd edək ki, Kurban Berdıyev "Traktor"un sükanı arxasında Ertuğrul Sağlamı əvəzləyəcək. Türkiyəli mütəxəssis isə "Neftçi"nin baş məşqçisi olmağa iki əsas namizəddən biridir. Digəri Moldova "Şerif"inin sabiq baş məşqçisi Yuri Vernidubdur.