Türkiyə millisinin üzvü Ozan Tufan karyerasını “Hall Siti”də davam etdirə bilər. Corner.az xarici KİV-ə istinadən xəbər verir ki, 27 yaşlı yarımmüdafiəçi İngiltərənin Çempionşip təmsilçisi ilə razılığa gəlib.
Ozanla 2 və ya 3 illik müqavilə imzalanacaq. Onun bu həftə sonunda klubun düşərgəsinə qoşulacağı gözlənilir.
Müqavilə ilə “Fənərbaxça”ya məxsus olan Tufan ötən mövsüm icarə əsasında “Uotford”da oynayıb.
“Hall Siti”nin sahibi “TV 8” kanalının rəhbəri Acun Ilıcalıdır.
