Almaniyanın “Ayntraxt” klubu heyətini yenə futbolçu cəlb edib. Corner.az xəbər verir ki, Frankfurt təmsilçisi Almaniya millisinin yarımmüdafiəçisi Mario Götzeni heyətinə qatıb.
Bu barədə klubun rəsmi saytı məlumat yayıb. 30 yaşlı futbolçu ilə 3 illik müqavilə imzalanıb.
Təcrübəli vinger yeni klubunda illik qazanc olaraq 4 milyon avro qazanacaq.
Xatırladaq ki, Mario Götze son iki mövsümü Niderland PSV-sində keçirib.
