İspaniya klubları Qarabağ'ın legioneri ilə maraqlanır

"Qarabağ"ın futbolçusu Qaspar Panadero yenidən vətəni İspaniyada çıxış edə bilər.

Corner.az-ın yerli mətbuata istinadən məlumatına görə,  Sequnda təmsilçiləri - "Kartaxena", "Albasete", "Burqos" və "Luqo" 24 yaşlı yarımmüdafiəçi ilə yaxından maraqlanır.

Ağdam klubunun futbolçunu yenidən icarəyə verəcəyi gözlənilir.

Qeyd edək ki, Qaspar Panadero "Qarabağ"a 2021-ci ilin avqustunda İspaniyanın "Kadis" klubundan transfer olunub. Ötən mövsümün ikinci yarısını icarə əsasında Kiprin AEK (Larnaka) komandasında keçirmiş vingerin "köhlən atlar"la 2024-cü ilin yayınadək müqaviləsi var.