Real Madrid'in 540 milyonluq transfer planı

Real Madridin yeni mövsüm  heyətində ciddi dəyişikliklər etmək üçün transferlərə təqribən 540 milyon avro ayırmağı planlaşdırır.

Corner.az-ın xəbərinə görə, bu barədə "AS" nəşri məlumat yayıb. Bildirilir ki, Madrid klubu Pol Pogba ("Manchester United"), Eden Hazard ("Chelsea"), Christian Eriksen ("Tottenham"), Tanquy Ndombele ("Lyon") və Luka Jovici ("Eintracht") transfer etmək niyyətindədir. "Real" ümumilikdə bütün futbolçular üçün 540 milyon avro ödəməyi planlaşdırır.

"Madrid klubu" Pogbaya təqribən 150 milyon, Hazarda 112 milyon, Eriksenə 85 milyon, Ndombeleyə 80 milyon, Jovicə 60 milyon avro təzminat ödəməyə hazırlaşır.

Bu yüksək məbləği verə bilmək üçün "Kral klubu" yayda Gareth Bale, James  Rodriguez və Mateo Kovacici sataraq 150 milyon avro əldə etməyi düşünür. Bundan başqa, klub yaxın günlərdə forma sponsoru "Adidas"la imzalayacağı müqavilədən də  100 milyon avro gəlir əldə edəcək.