- Transfer
- 11:29 28.10.2024
Meksika yığmasının sabiq futbolçusu Rafael Markes sabiq klubu "Barselona"ya qayıdacaq.
Corner.az "sport.es"ə istinadən məlumatına görə, millinin keçmiş kapitanı Kataloniya klubunun hazırda "Barselona Atletik" adlanan B komandasında baş məşqçi Serxi Barxuanı əvəzləyəcək.
43 yaşlı sabiq müdafiəçi "Barselona"nın əsas komandasında 7 mövsüm çıxış edib. Markes karyerasını Meksika "Atlas"ında başa vurub. O, yalnız ortabab "Alkala"nın gənclər komandasında iş təcrübəsinə malikdir.
Qeyd edək ki, Rafael Markes 5 dünya çempionatında Meksika yığmasının kapitanı olub.
