İtaliyanın “Milan” klubu ötən mövsümün əvvəlində “Roma”dan icarəyə götürdüyü Alessandro Florensinin transfer hüquqlarını alıb. Corner.az xəbər verir ki, bu barədə sözügedən klubların rəsmi saytları məlumat yayıb.
31 yaşlı futbolçu ilə 3 illik rəsmi müqavilə imzalanıb. İtaliyalı futbolçu, yeni mövsümdən 25 nömrəli forma ilə çıxış edəcək. O, geridə qalan mövsümdə “Milan”ın heyətində 30 oyuna 2 qol vurub.
“Milan” qapıçısı Antonio Mirante ilə də yeni müqavilə imzalandığını açıqlayıb. Yeni müqaviləyə əsasən 38 yaşlı qapıçı, 2023-cü ilin yayına qədər bu komandanın uğurları üçün çalışacaq.
İtaliyalı qolkiper 2021-ci ilin oktyabrından “Milan”da çıxış edir.
