Braziliyanın “İpiranqa” klubunun futbolçusu Gedeilson Azərbaycandan təklif alıb. Corner.az xəbər verir ki, 29 yaşlı sağ cinah müdafiəçisi ilə bir neçə yerli klub maraqlanır.
Futbolçunun Azərbaycandan aldığı təklifə heç də müsbət yanaşmadığı bildirilir. Braziliyalı futbolçu daha az maaş qazanmağına baxmayaraq ölkəsində qalmağı daha üstün hesab edir.
Xatırladaq ki, Gedeilson bu ilin yanvarından "İpiranqa"da çıxış edir. O, daha öncə “Konfiansa”, “Yakuypense”, “Marinqa, “Londrina”, “Madureyra”, “Volta Redonda”, “Linense”, “Botafoqo”, “Kuyaba”, “Sampayo Korrea”, “Tombense”, “Makan”, “Braqantino”, “Betim” kimi klubların da formasını geyinib.
