Çelsi Mançester Siti'nin futbolçusu ilə anlaşdı

İngiltərənin "Mançester Siti" klubunun futbolçusu Rahim Sterlinq "Çelsi" ilə razılığa gəlib.

Corner.az "The Telegraph"a istinadən xəbər verir ki, 27  yaşlı hücumameylli yarımmüdafiəçi London təmsilçisi ilə şəxsi müqaviləsinin detalları ilə bağlı anlaşıb. Klubların da yaxın saatlarda öz aralarında razılığa gələcəkləri gözlənilir.

"Zadəganlar"ın ingilis futbolçu üçün qarşı tərəfə 45 milyon pound təzminat ödəyəcəyi bildirilib. "Çelsi" bundan əlavə "şəhərlilər"ə 10 milyon pound da bonuslara görə ödəyəcəyi vurğulanıb.

Qeyd edək ki, İngiltərə millisinin də üzvü olan Rahim Sterlinq 2015-ci ildən "Mançester Siti"də çıxış edir.