Kavani ilə danışıqlara başladılar

İtaliya A Seriyasının yeni iştirakçısı “Monza” “Mançester Yunayted”in sabiq hücumçusu Edinson Kavanini transfer etməyi planlaşdırır.

Corner.az “Sky Sport İtalia”-ya istinadən xəbər verir ki, klub uruqvaylı futbolçunun agenti ilə danışıqlara başlayıb. “Monza”  mərkəz hücumç mövqeyini gücləndirmək üçün bu transfer də israrlıdır.

Eyni zamanda, agenti Kavaninin gələn mövsüm Cənubi Amerikada çıxış edə biləcəyini də istisna etməyib.

Kavani son mövsümdə “Mançester Yunayted”in heyətində 19 oyuna çıxıb, 2 qol vurub və bir məhsuldar ötürmə ilə yadda qalıb. O, əvvəllər PSJ, “Napoli” və “Palermo” kimi klublarda da çıxış edib.