"Turan Tovuz” daha bir legioner futbolçu transfer etməyə hazırlaşır. Corner.az xəbər verir ki, Tovuz təmsilçisi son olaraq “Şamaxı”da çıxış edən Natan Oduva ilə danışıq aparır.
Tərəflər arasında artıq ilkin razılıq da əldə olunub. İngiltərə əsilli nigeriyalı vinger böyük ehtimalla yeni mövsümdən “Turan Tovuz”da çıxış edəcək .
Xatırladaq ki, Oduva bu ilin fevralında “Şamaxı”ya transfer olunmuşdu. “Tottenhem”in yetirməsi olan futbolçu karyerası ərzində “Luton Taun”, “Reyncers”, “Kolçester Yunayted”, “Peterboro Yunayted”, “Olimpiya” (Lyublyana), “Velye”, “Hapoel” (Hadera), “Dandalk” kimi klublarda da forma geyinib.
