- Transfer
- 13:57 27.10.2024
“Los Anceles”in yeni transferi Qaret Beyl MLS liqası ilə bağlı fikirlərini bölüşüb.
Corner.az “Daily Mail”-ə istinadən xəbər verir ki, uelsli futbolçu, MLS-in yüksək səviyyəli çempionat olduğunu və burada iz buraxmaq istədiyini deyib:
“MLS son on ildə uzun bir yol keçib. Düşünmürəm ki, kimsə hələ də liqanı təqaüdçü hesab etsin. MLS getdikcə böyüyür və Avropada düşündüklərindən qat-qat yaxşı olduğunu sübut edir. Hər şey yaxşılaşır, liqanın səviyyəsi daha da yüksəlir”.
32 yaşlı futbolçu, uzun müddət MLS-də qalmaq istədiyini deyib:
“Mən bura altı ay və ya bir illik gəlməmişəm. MLS-də iz qoymaq istəyirəm. Bu, qısa bir səfər deyil. Ümid edirəm ki, buradakı çıxış mənə növbəti Avropa çempionatına, bəlkə də, daha da irəliyə – 2026-cı il dünya çempionatına hazırlaşmaq imkanı verəcək”.
Beyl iyunun 27-də Kaliforniya klubu ilə daha 18 ay uzadılma imkanı ilə bir illik müqavilə imzalayıb.