Özilin yeni klubu bəlli oldu

Türkiyənin "Fənərbaxça" klubundan ayrılan Mesut Özilin yeni klubu bəlli olub.

Corner.az "TRT Spor"a istinadən xəbər verir ki, "Başakşehir" 34 yaşlı yarımmüdafiəçi ilə anlaşıb. İstanbul təmsilçisi tvitter hesabında paylaşıdığı bir şəkildə klub prezidentin Özillə bağlı sözü yazılıb: "Bir gün yollarımız "Başakşehir"də kəsişəcək"

Təcrübəli oyunçu ilə yaxın günlərdə müqavilə bağlanacağı gözlənilir.

Qeyd edək ki, Mesut Özil 2021-ci ilin yanvarında "Fənərbaxça" ilə 3,5 illik sözləşmə imzalamışdı. Özil bu il martın 24-də sabiq baş məşqçi İsmail Kartalla məşqdə mübahisə etdiyi üçün heyətdən kənarlaşdırılmışdı. Klub iyulun 11-də təcrübəli futbolçunun müqaviləsini qarşılıqlı razılıq əsasında ləğv edib.