Futbol üzrə Kolumbiya milli komandasının sabiq hücumçusu Karlos Bakka İspaniyanın “Qranada” klubundan ayrılıb. Corner.az xəbər verir ki, La Liqa təmsilçisi ilə müqaviləsinin müddəti bitən 35 yaşlı futbolçu azad agent kimi ölkəsinə qayıdıb.
Təcrübəli forvard, 10 il sonra sabiq klubu "Atletiko Junior” klubuna qayıdıb. Bu barədə Kolumbiya klubunun mətbuat xidməti məlumat yayıb. Lakin Bakka ilə imzalanan müqavilənin müddəti və digər detalları açıqlanmayıb.
Karlos Bakka məhz “Atletiko Junior” klubunun yetirməsidir. O, peşəkar karyerasına da sözügedən klubda başlayıb. Futbolçu Avropada “Brügge”, “Sevilya”, “Milan” və “Vilyarreal”da da forma geyinib. O, 2021-ci ilin iyulundan “Qranada”da çıxış edirdi. Bakka Kolumbiya millisində 52 oyuna 16 qol vurub.
