"Çelsi” növbəti transferini gerçəkləşdirib. Corner.az London təmsilçisinin rəsmi saytına istinadən xəbər verir ki, “zadəganlar” İtaliya “Napoli”sindən Xalidu Kulibalini heyətinə qatıb.
31 yaşlı müdafiəçi ilə 4 illik müqavilə imzalanıb. İngiltərə mətbuatının iddiasına görə, bu transfer "Çelsi"yə 40 milyon avroya başa gəlib.
Seneqallı futbolçu 2014-cü ildən “Napoli”nin formasını geyinirdi.
“Çelsi” daha əvvəl “Mançester Siti”dən ayrılan Rahim Sterlinqi heyətinə qatmışdı.
