Almaniyanın “Volfsburq” klubu heyətini yeni futbolçu ilə gücləndirib. Corner.az xəbər verir ki, Bundesliqa təmsilçisi İtaliyanın “Bolonya” klubunun yarımmüdafiəçisi Mattias Svanberqi transfer edib.
Bu barədə Almaniya klubunun rəsmi saytı məlumat yayıb. İ 23 yaşlı futbolçu ilə 5 illik müqavilə imzalanıb. İsveç millisinin üzvü yeni komandasında 32 nömrəli formanı geyinəcək. Bundesliqa təmsilçisi bu transferə görə İtaliya klubuna 9 milyon avro ödəyib.
Svanberq 2018-ci ildən “Bolonya”da forma geyinirdi. O, bu komandanın heyətində meydana çıxdığı 123 oyunda 9 qola imza atıb. İsveç yığmasında 21 oyuna çıxan yarımmüdafiəçi 1 qol da vurub.
Yeri gəlmişkən, Svanberqi “Volfsburq”a satan “Bolonya” da heyətini yeni oyunçularla gücləndirib. A Seriyası təmsilçisi “Aberdin”in gənc yarımmüdafiəçisi Luis Ferqyusonu transfer edib. Şotlandiyalı oyunçu üçün 3.5 milyon avrosundan keçən İtaliya təmsilçisi, yeni oyunçu ilə 4+1 illik müqavilə bağlayıb. 22 yaşlı futbolçu Şotlandiya yığmasında da 4 oyuna çıxıb.
“Bolonya” həmçinin “Yuventus”un bir neçə gün öncə “Cenoa”dan transfer etdiyi Andrea Kamyazonu da icarəyə götürdüyünü açıqlayıb. İcarə müddəti qarşıdakı mövsümün sonuna qədərdir
