Fransanın PSJ klubu heyətinə yeni futbolçu cəlb edib. Corner.az xəbər verir ki, Paris təmsilçisi “Reyms”dən Huqo Ekitikeni icarəyə götürüb.
Bu barədə klubun rəsmi saytı məlumat yayıb. 20 yaşlı hücumçu ilə 1 illik müqavilə imzalanıb.
Ekitike “Reyms”in öz yetirməsidir. O, ötən mövsüm Liqa 1-də 24 matçda 10 qol vurub. 20 yaşlı forvard komandasının bombardiri olub. Ekitike 2021-ci ildə “Velye”də icarədə də oynayıb.
