Futbol üzrə Azərbaycan millisinin hücumçusu Renat Dadaşovun İsveçrənin “Qrasshopper” klubuna transferinin detalları bəlli olub. Corner.az xəbər verir ki, İsveçrə təmsilçisi 23 yaşlı futbolçu üçün İngiltərə “Vulverhempton”una 315 min funt-sterlinq təzminat ödəyib.
Bu isə təxminən 636 min manat deməkdir. Dadaşov “Qrasshopper” klubu ilə 2+1 illik müqavilə imzalayıb.
Xatırladaq ki, Renat Dadaşov 2020-ci ildə icarə əsasında “Qrasshopper”də çıxış edib. Lakin həmin vaxt ağır zədəyə göeə, bu komandada rəsmi oyuna çıxa bilmədən İngiltərə klubunun düşərgəsinə qayıdıb.
