Qazaxıstan “Kayrat”ının yarımmüdafiəçisi Rikardo Alves karyerasını Təbrizin “Traktor” klubunda davam etdirəcək. Corner.az xəbər verir ki, bu barədə Qazaxıstan klubunun mətbuat xidməti məlumat yayıb.
29 yaşlı portuqaliyalı futbolçu ötən mövsüm “Kayrat”ın heyətində bütün turnirlərdə 24 oyuna çıxıb, 2 qol vurub və 9 məhsuldar ötürmə verib.
Bildirək ki, ötən ay Cənubi Azərbaycanın “Traktor” klubunun “sükan”ı Kurban Berdıyevə tapşırılıb. Əvvəllər o, Qazaxıstan çempionatının bürünc mükafatını və ölkə kubokunu qazandığı “Kayrat”ın baş məşqçisi olub.
