“Barselona”nın yeni transferi Robert Levandovski tibbi müayinədən keçib. Corner.az klubun rəsmi saytına istinadən xəbər verir ki, polşalı hücumçunun tibbi müayinəsi bu gün baş tutub.
İyulun 16-da “Barselona” 33 yaşlı futbolçunu transfer etmək üçün “Bavariya” lə razılaşdığını elan edib. Levandovskinin Kataloniya təmsilçisi 2025-ci ilə qədər nəzərdə tutulan müqavilə imzalayacağı gözlənilir.
Levandovski “Bavariya”da keçirdiyi 8 mövsümdə 375 oyunda 344 qol vurub və 72 məhsuldar ötürmə edib.
