"Qarabağ" afrikalı qapıçı alır

“Qarabağ” Cənubi Afrika Respublikasının (CAR) milli komandasının futbolçusu Darren Kiti maraqlanır.

Corner.az-ın “Sowetan Live” portalına istinadən verdiyi məlumata görə, Ağdam təmsilçisi hazırda ölkəsində “Bidvest Vits” klubunun formasını geyinən 30 yaşlı qapıçı ilə 2 ay öncə maraqlanıb. Bildirilir ki, Kit başa çatan müqaviləsinin müddətini uzatmaq istəmir. O, mayın 11-də CAR Premyer Liqasının axırıncı turunda “Qolden Errouz”la səfər matçında sonra klubu tərk etmək niyyətindədir.

Kit “Bidvest Vits”lə yeni sözləşmə imzalamağa razılıq vermədiyi üçün baş məşqçi Qevin Hant onu son 5 matçda ehtiyada saxlayıb. Onunla yerli “Kayzer Cifs”in də maraqlandığı, qolkiperin hazırkı klubunda qalmasının mümkünlüyü də vurğulanır.

Qeyd edək ki, əvvələr CAR millisinin hücumçusu Dino Ndlovu “Qarabağ”da çıxış edib.