İtaliyanın “Udineze” klubu heyətinə yeni futbolçularla gücləndirib. Corner.az xəbər verir ki, A Seriyası təmsilçisi mərakeşli müdafiəçi Adam Masina və sloveniyalı yarımmüdafiəçi Yaka Biyolu transfer edib.
İngiltərənin “Uotford” klubundan transfer olunmuş 28 yaşlı futbolçu ilə 3 illik müqavilə imzalanıb. İtaliya klubunun bu transfer üçün İngiltərə təmsilçisinə nə qədər ödədiyi açıqlanmır. Masina 2018-ci ildən “Uotford”da forma geyinirdi. O, bu klubda keçirdiyi 4 il ərzində 90 oyuna 3 qol vurub, 4 məhsuldar ötürmə ilə yadda qalıb. 2012-2018-ci illər aralığında İtaliyada “Bolonya”da çıxış etmiş müdafiəçi, bir müddət “Cakomense”də icarədə də olub. Mərakeş millisinin üzvü ölkəsinin yığma komandasında da 12 oyun keçirib.
Yaka Biyol isə Rusiyanın ÇSKA (Moskva) klubundan transfer olunub. 23 yaşlı futbolçu ilə 5 illik müqavilə imzalanıb. İtaliya təmsilçisi bu transfer üçün Rusiya klubuna 4 milyon avro təzminat ödəyib.
Sloveniyalı futbolçu 2018-ci ildən ÇSKA-da çıxış edirdi. O, bu komandada 4 mövsüm ərzində 96 oyuna çıxıb, 7 qol vurub. 2020/21 mövsümündə Almaniyanın “Hannover” klubunda icarədə oynamış dayaq yarımmüdafiəçisi, Rusiyaya gələnə qədər də Sloveniyanın “Rudar” komandasının uğurları üçün çalışıb. Sloveniya yığmasında 31 oyuna çıxmış futbolçu, 1 qol vurub.
