Everton futbolçusunu PSV-yə göndərdi

İngiltərənin “Everton” klubu müdafiəçisi Jarred Brantueyti Niderlandın PSV klubuna icarəyə göndərib. Corner.az xəbər verir ki, bu barədə sözügedən klublar rəsmi saytları vasitəsilə məlumat yayıblar.

20 yaşlı mərkəz müdafiəçi qarşıdakı mövsümün sonuna qədər Eyndhoven təmsilçisində çıxış edəcək.

Brantueyt 2020-ci ildə “Karlayl Yunayted”dən “Everton”a transfer olunub. İngiltərənin U-20 yığmasının üzvü, Premyer Liqa təmsilçisində 13 oyuna çıxıb, 1 qol vurub.

PSV Fransanın “Trua” klubunun vingeri Savionu da 1 illik icarə əsasında heyətinə qatıb.

“Trua” 18 yaşlı futbolçunu elə bu yay Braziliyanın “Atletiko Mineyro” klubundan 6.5 milyon avroya transfer etmişdi.