İtaliyanın “Salernitana” klubu heyətini yeni futbolçu ilə gücləndirib. Corner.az xəbər verir ki, A Seriyası təmsilçisi Fransanın “Monpelye” klubunun müdafiəçisi Junior Sambiyanı transfer edib.
Bu barədə İtaliya klubunun rəsmi saytı məlumat yayıb. 25 yaşlı müdafiəçi ilə 4 illik müqavilə imzalanıb. İtaliya təmsilçisi fransalı futbolçu üçün Fransa klubuna təzminat ödəmədiyi vurğulanıb.
Junior Sambiya “Monpelye”də 2018-ci ildən forma geyinirdi. O, bu komandanın heyətində meydana çıxdığı 160 matçda 6 qol vurub, 15 məhsuldar ötürmə ilə yadda qalıb. Fransalı futbolçu daha öncə yetirməsi olduğu “Nyor”da da çıxış edib.
Yeri gəlmişkən, “Salernitana” müdafiəçisi Luka Boqdanı “Ternana”ya, qapıçısı Antonio Russonu “Taranto”ya, yarımmüdafiəçisi Qaetano Vitaleni isə “Monopoli”yə icarəyə göndərib. Sözügedən oyunçuların icarə müddəti 1 illikdir.
