İtaliyanın “Sassuolo” klubu heyətini yeni futbolçu ilə gücləndirib. Corner.az xəbər verir ki, A Seriyası təmsilçisi “İnter”in hücumçusu Andrea Pinamontini transfer edib.
Bu barədə klubun rəsmi saytı məlumat yayıb. 23 yaşlı oyunçu satınalma şərti ilə mövsümün sonuna kimi icarəyə götürülüb. “Sassuolo” gələn yaya kimi futbolçunun transfer hüqqlarını almaq istəsə, 20 milyon avrosundan keçməli olacaq.
Pinamonti “İnter”in öz yetirməsidir. Hücumçu ötən mövsüm “Empoli”də icarədə oynayıb. O, əvvəllər “Frozinone” və “Cenoa”da da oynayıb, İtaliyanın müxtəlif yaş qrupları üzrə yığmalarının formasını geyinib.
