“Atalanta” heyətini yeni futbolçu ilə gücləndirib. Corner.az xəbər verir ki, İtaliya klubu A Seriyasının digər təmsilçisi “Udineze”dən müdafiəçi Brandon Soppini transfer edib.
Bu barədə klubun rəsmi saytı məlumat yayıb. 20 yaşlı futbolçu ilə 4 illik müqavilə imzalanıb. Berqamo təmsilçisi fransız futbolçuya görə qarşı tərəfə 9 milyon avro ödəyib.
Soppi Fransanın “Renn” klubunun yetirməsidir. “Udineze” onu 2021-ci ilin avqustunda sözügedən klubdan cəmi 2 milyon avroya heyətinə qatmışdı.
