İtaliyanın “Napoli” klubu heyətini yeni futbolçu ilə gücləndirib. Corner.az xəbər verir ki, Neapol təmsilçisi “Sassuolo”nın hücumçusu Cakomo Raspadorini transfer edib.
Bu barədə klubun rəsmi saytı məlumat yayıb. 22 yaşlı futbolçu mövsümün sonuna kimi satınalma şərti ilə icarəyə götürülüb. “Napoli” bir mövsümlük icarə üçün qarşı tərəfə 5 milyon avro ödəyəcək. İtaliyalı fubolçunun transfer hüquqlarının alınması üçün isə əlavə 28 milyon avro ödəməli olacaq.
Cakomo Raspadori “Sassuolo”nun öz yetirməsidir. İtaliya millisinin üzvü 2019-cu ildən bu klubun əsas komandasında çıxış edirdi. O, bu komandada 81 oyuna çıxıb, 18 qola imza atıb. Raspadori İtaliyanın əsas yığmasında da 13 oyuna çıxıb, 3 qolla yadda qalıb.
