Almaniyanın “Borussiya” (Dortmund) klubu yarımmüdafiəçisi Antonios Papadopulos ilə müqavilənin müddətini artırıb. Corner.az xəbər verir ki, bu barədə klubun rəsmi saytı məlumat yayıb.
22 yaşlı futbolçu yeni sözləşməyə əsasən 2024-cü ilin yayına kimi Dortmund təmsilçisinin uğurları üçün çalışmağa davam edəcək. Onun əvvəlki müqaviləsi 2023-cü ilin yayına kimi idi.
Papadopulos “Borussiya”ya 2021-ci ilin iyulunda “Halleşer” klubundan gəlib. Dayaq yarımmüdafiəçisi daha öncə Almaniyada “Aalen” klubunun da formasını geyinib. O, Dortmund təmsilçisinin əsas komandasında cəmi 2 matça çıxıb. Əslən Yunanıstandan olan futbolçu Almaniyada dünyaya göz açdığı üçün bu ölkənin vətəndaşlığını daşıyır.
