İspaniyanın “Barselona” klubu heyətini yeni futbolçu ilə gücləndirib. Corner.az xəbər verir ki, Kataloniya təmsilçisi məhz bu klubun akademiyasının yetirməsi olmuş Hektor Belyerini transfer edib.
İspaniyalı sağ cinah müdafiəçisi 2011-ci ilin yayında, 16 yaşı olarkən 500 min avro qarşılığında İngiltərənin “Arsenal” klubuna keçmişdi. 27 yaşlı futbolçu 11 il sonra doğma kluba azad agent kimi qayıdıb. Belyerinlə 1 illik müqavilə imzalanıb və futbolçuya 50 milyon avro qiymət qoyulub.
Hektor Belyerin 10 ildən çoxdur formasını geyindiyi “Arsenal”da bütövlükdə 239 oyuna çıxıb və 9 qola imza atıb. O, 2013/14 mövsümündə İngiltərənin “Uotford” klubunda icarədə olub. Müdafiəçi geridə qalan mövsümü də “Betis”də icarədə keçirib. Belyerin İspaniya yığmasında da 4 oyun keçirib.
