Rusiyanın “Ximki” komandasının yeni baş məşqçisi müəyyənləşib. Corner.az xəbər verir ki, komandanın "sükan"ı Spartak Qoqniyevə tapşırılıb.
Bu barədə klubun rəsmi saytı məlumat yayıb. Premyer Liqa təmsilçisinin yeni baş məşqçisi ilə 2+1 illik müqavilə imzalanıb.
Qoqniyev ötən mövsüm “Alaniya”nı (Rusiya) çalışdırıb. O, “Ximki”də istefaya göndərilən Nikolay Pisarevi əvəz edib.
“Ximki”də azərbaycanlı futbolçu Ayaz Quliyev də çıxış edir.
Bildirək ki, son günlərdə “Qarabağ"ın baş məşqçisi Qurban Qurbanovun da adı “Ximki” ilə hallanırdı.
