Türkiyənin “Ümraniyəspor” klubu heyətini yeni futbolçu ilə gücləndirib. Corner.az xəbər verir ki, Super Liqa təmsilçisi “Eyüpspor”un sağ cinah müdafiəçisi Strahil Popovu transfer edib.
32 yaşlı futbolçu ilə 1 illik müqavilə imzalanıb.
Bolqarıstan yığmasının üzvü 2016-cı ildən Türkiyədə çıxış edir. O, 2019-cu ilə qədər “Kasımpaşa”da forma geyinib. 2020/21 mövsümünü “Hatayspor”da keçirmiş futbolçu, bu ilin yanvarında “Eyüpspor”a keçmişdi. Müdafiəçi daha öncə “Liteks” (Loveç), “Lokomotiv” (Mezdra) və “Montana” klublarının da formasını geyinib. Popov Bolqarıstan yığmasında 35 oyun keçirib.
