İngiltərənin “Liverpul” klubundan azad agent kimi ayrılan Loris Kariusun yeni klubu müəyyənləşib. Corner.az xəbər verir ki, 29 yaşlı qolkiper bundan sonra Premyer Liqanın digər təmsilçisi “Nyukasl”ın uğurları üçün çalışacaq.
Bu barədə sözüedən klubun rəsmi saytı məlumat yayıb. Tərəflər arasındakı müqavilənin müddəti bu ilin 31 dekabrına kimidir. Lakin tərəflər sözləşməni mövsümün sonuna kimi uzatmaqla da bağlı ilkin razılıq əldə ediblər.
Loris Karius Almaniyanın “Maynts” klubunun yetirməsidir. O, “Liverpul”a 2016-cı ildə məhz bu klubdan keçmişdi. Alman qolkiper İngiltərə nəhəngində əsas heyət oyunçusuna çevrilə bilmədiyi üçün 2018-2020-ci illərdə Türkiyənin “Beşiktaş” klubunda icarədə çıxış edib. Karius 2020/21 mövsümünüdə “Union Berlin”də icarə əsasında çıxış edib. O, “Liverpul”da bütövlükdə 49 matça çıxıb.
