Azərbaycanlı futbolçu Emin Səfixanov Almaniyanın “Solingen” klubuna keçib. Corner.az xəbər verir ki, sözügedən klub mətbuat xidməti vasitəsilə “Willkommen Emin” (Xoş gəldin, Emin) yazaraq, Səfixanovun transferini açıqlayıb.
Emin mövsüm sonuna qədər Almaniya altıncı liqasında mübarizə aparan kluba məxsus olacaq.
Sumqayıtda doğulsa da, sonradan ailəsi ilə birlikdə Ukraynaya köçən müdafiəçi, bu ölkənin U-19 yığmasında da oynayıb. O, hazırda Ukrayna vətəndaşıdır. Futbolçunun son klubu “Podilya” olub.
