“Real”dan transferlər üçün böyük büdcə: 300 milyon avro

"Real Madrid”in yay fasiləsi üçün transfer büdcəsi müəyyənləşib.

Corner.az “Marca”ya istinadən xəbər verir ki, paytaxt klubu oyunçularının satışından 200 milyon avro əldə etməyi planlaşdırır. “Real Madrid” rəhbərliyi yeni futbolçuların alınası üçün əlavə 100 milyon avro da ayırmağı düşünür. Beləliklə, “kral klubu”nun transfer büdcəsi 300 milyon avro təşkil edəcək.

Bildirilir ki, bu, yekun məbləğ olmaya da bilər. Məsələn, Fransa PSJ-si Neymarı satmaq istəsə, büdcənin artırılması nəzərdə tutulub.

Qeyd edək ki, “Real Madrid” “Porto”dan müdafiəçi Eder Militaonun, “Santos”dan isə  Rodriqonun keçidini razılaşdırıb. İspanlar bundan başqa “Eintracht”dan futbolçu Luka Jovicin də 60 milyon avro qarşılığında transferi üçün razılıq əldə olunduğu bildirilir.