Vaxtilə “Qarabağ”da işləmiş türkiyəli mütəxəssis Önder Karavelinin yeni iş yeri məlum olub. Corner.az xəbər verir ki, Türkiyənin Birinci Liqasında çıxış edən “Adanaspor”un "sükan"ı 48 yaşlı mütəxəssisə həvalə olunub.
Karaveli ilə müqavilənin müddəti və digər detalları açıqlanmayıb.
Karaveli 2020-ci ilin yanvarından 2021-ci ilin iyununadək “Qarabağ” klubunun akademiyasının koordinatoru Tacettin Doğanın köməkçisi olub. O, 2021-ci ilin sonundan 2022-ci ilin əvvəlinədək “Beşiktaş”da baş məşqçi vəzifəsini yerinə yetirib.
