Barselona'ya keçməkdən son anda imtin etdi

“Mançester Siti”nin yarımmüdafiəçisi Bernardo Silva yay transfer pəncərəsi dövründə “Barselona”nın təklifini qəbul etməyib.

Corner.az “Mundo Deportivo”-ya istinadən xəbər verir ki, tərəflər arasında danışıqlar olsa da 28 yaşlı futbolçu transfer pəncərəsinin son günlərində klubunu dəyişməkdən imtina edib.

Xəbərdə, portuqaliyalı oyunçunun Mançester klubuna və azarkeşlərə hörmət etdiyi və getməli olsa, bunu hər iki tərəflə ən yaxşı şəkildə ayrılacağı bildirilib.

Bernardo Silva bu mövsüm “Mançester Siti”nin heyətində bütün turnirlərdə 10 oyunda 2 qol vurub və 3 məhsuldar ötürmə edib. Onun klubla müqaviləsi 2025-ci ilə qədərdir.