Asensio üçün Premyer Liqa variantı

“Real”ın yarımmüdafiəçisi Marko Asensio karyerasını İngiltərə Premyer Liqasında davam etdirə bilər. 

Corner.az “Mundo Deportivo”-ya istinadən xəbər verir ki, “Nyukasl” klubu ispan futbolçunun xidmətində maraqlıdır.

Daha əvvəl Asensionu transfer etmək istəyən klub, “Real”la anlaşması 2023-cü ildə başa çatacaq futbolçu üçün yenidən onun agenti ilə danışıqlara başlayıb. 

26 yaşlı futbolçu bu mövsüm “Real”ın heyətində 4 oyuna çıxıb, 1 qol vurub.

Asensio ilə “Barselona”, “Liverpul” və “Arsenal” klubları da maraqlanır.

Daha əvvəl İspaniya mətbuatı  Markonun “kral klubu”nun yeni müqavilə təklif etmədiyi üçün ayrılmaq niyyətində olduğunu yazıb.