Futbol üzrə Polşa çempionatında 11-ci turun oyunları keçirilib. Corner.az xəbər verir ki, Azərbaycan yığmasının müdafiəçisi Anton Krivotsyukun formasını geyindiyi “Visla” (Plotsk) da növbəti matçına çıxıb.
Sözügedən kollektiv doğma meydanda “Pyast”la üz-üzə gəlib. Futbolçumuzun komandası bu oyundan minimal hesablı qələbə ilə ayrılıb – 1:0.
Krivotsyuk da bu görüşün iştirakçısı olub. Millimizin üzvü start heyətdə meydana çıxıb və sonadək mübarizə aparıb.
“Visla” 11 turdan sonra 20 xalla 18 iştirakçı arasında 1-ci pillədə qərarlaşıb.
