Kazemiro'nun qərarı keçmiş futbolçunu təəccübləndirib

"Mançester Yunayted”in keçmiş yarımmüdafiəçisi Pol Skoulz yay transfer pəncərəsində komandaya keçən Kazemiro haqqında maraqlı etiraf edib.

Corner.az “Mirror”-a istinadən xəbər verir ki, 47 yaşlı keçmiş futbolçu braziliyalının onu təəccübləndirdiyini bildirib:

“Təbii ki, heyətdə bu səviyyədə futbolçunun olması lazımdır. O, ötürmə keyfiyyəti ilə məni xüsusilə təəccübləndirdi.

Kazemiro “Real”da olarkən Luka Modriç və Toni Kroosun kölgəsində olduğunu düşünürəm. Həqiqətən, belə oyunçulara ehtiyac var. Ümid edirəm ki, “Mançester Yunayted”in nəticələri onunla daha da yaxşılaşacaq”.

30 yaşlı futbolçu “Real”dan 70,65 milyon avroya İngiltərə nəhənginə keçib.