İngiltərənin “Mançester Siti” klubu yarımmüdafiəçisi Fil Fodenlə yeni müqavilə bağlayıb. Corner.az xəbər verir ki, bu barədə klubun rəsmi saytı məlumat yayıb.
22 yaşlı futbolçu ilə yeni sözləşmənin müddəti 2027-ci ilin yayına kimi nəzərdə tutulub.
Foden “şəhərlilər”in öz yetirməsidir. O, 17 yaşından əsas komandada oynamağa başlayıb. İngilis vinger indiyə qədər Premyer Liqa nəhənginin heyətində 182 matça çıxıb, 52 qol vurub, 36 məhsuldar ötürmə müəllifi olub, 11 titula sahib çıxıb. O, İngiltərə yığmasında 18 oyun keçirib və 2 qol vurub.
