Kriştiano Ronaldo Napoli'yə keçir?

"Napoli”nin idman direktoru Kristiano Qintoli “Mançester Yunayted”in hücumçusu Kriştiano Ronaldonun Neapol klubuna keçəcəyi ilə bağlı yayılan iddialara münasibət bildirib.

Corner.az xarici KİV-ə istinadən xəbər verir ki, klub rəsmisi, 37 yaşlı futbolçunu transfer etmək planlarının olmadığını deyib:

“Yanvarda Ronaldo ilə müqavilə imzalamaq? Yanvar ayında heç bir imza atmaq haqda düşünmürük. Komandada nəyisə dəyişməyə ehtiyacımız yoxdur. Biz hazırda əla çıxış edirik və bu gün heç bir futbolçu ilə müqavilə imzalamağı nəzərdən keçirmirik”.

Daha əvvəl portuqaliyalı hücumçunun qış transfer pəncərəsində “Mançester Yunayted”dən ayrılacağı ilə bağlı iddialar yayılmışdı.