PSJ rəhbərliyi qışda “Mançester Yunayted”in hücumçusu Kriştiano Ronaldonu transfer etməkdə maraqlıdır. Corner.az “Sky Sport”a istinadən xəbər verir ki, PSJ-nin idman direktoru Luis Kampos isə heyətdə gənc futbolçuların sayını çoxaltmaq istədiyi üçün mümkün transferdən narahat olduğu bildirilir.
37 yaşlı futbolçunun “Sportinq”ə keçmə ehtimalı da olduğu da vurğulanıb. Lakin bu transfer “qırmızı şeytanlar”ın qərarından asılıdır.
“Mançester Yunayted”in rəhbərliyi portuqaliyalı oyunçunun DÇ-2022-dən sonra kluba qayıtmasını istəmədiyi və yolları ayırmağı düşünür. .
Ronaldo bu mövsüm “Mançester Yunayted”in heyətində 16 oyuna çıxıb, 3 qol vurub və 2 məhsuldar ötürmə edib. O, PSJ-yə keçsə, uzun illər ən çox müqayisə olunduğu Lionel Messiylə komanda yoldaşı olacaq.
