“Roma” heyətini yeni futbolçu ilə gücləndirib. Corner.az xəbər verir ki, "canavarlar" Norveçin “Bodo Qlimt” klubunun yarımmüdafiəçisi Ola Solbakkeni transfer edib.
Bu barədə klubun rəsmi saytı məlumat yayıb. Tərəflər müddəti 2027-ci ilin yayına qədər olan müqaviləyə imza atıblar. Norveçli futbolçunun “Bodo Qlimt”lə müqaviləsinin müddəti bu ilin 31 dekabrında bitəcəyi üçün o, yeni klubuna 2023-cü ilin 2 yanvarından etibarən qoşulacaq. Paytaxt təmsilçisi “Bodo Qlimt”ə təzminat ödəməyəcək.
Solbakken “Ranheym” klubunun yetirməsidir. 24 yaşlı vinger 2020-ci ildən “Bodo Qlimt”də çıxış edir. O, Norveç yığmasında 4 oyun keçirib.
