İtaliyalı futbolçu Andrea Bertolaççi Türkiyənin “Kayserispor” klubundan ayrılıb. Corner.az xəbər verir ki, 31 yaşlı yarımmüdafiəçi Kayseri təmsilçisi ilə müqaviləyə birtərəfli qaydada xitam verib.
Bertolaççi bu ilin yanvar ayından Super Liqa klubunda top qovurdu. İtaliya milli komandasının sabiq üzvü Super Liqa klubunda 22 oyuna 2 qol vurub, 3 məhsuldar ötürmə müəllifi olub. O, Türkiyədə daha öncə “Fatih Karagümrük”ün də uğurları üçün çalışıb. “Roma”nın yetirməsi olan yarımmüdafiəçi, “Leççe”, “Cenoa”, “Milan” və “Sampdoriya”da forma geyinib, İtaliya yığmasında 5 oyun keçirib.
