“Qarabağ”ın keçmiş hücumçusu İbrahima Vadji Fransanın “Sent Etyen” klubunu tərk edə bilər. Corner.az “peuple-vert.fr” saytına istinadən xəbər verir ki, 27 yaşlı hücumçu mövsümün əvvəlində “Qarabağ”dan transfer olunduğu Liqa 2 klubunda ümidləri doğrulda bilməyib.
Baş məşqçi Loren Battlzın istəyi ilə klub rəhbərliyi “Ayaçço”ya icarəyə verilən Jan-Filipp Krassonu geri qaytarmaq qərarına gəlib. Fil Dişi Sahilli forvardın icarə müqaviləsi mövsümün sonuna qədər olsa da, “Sent Etyen” onu yanvarda heyətinə cəlb etməyə çalışacaq.
“Qarabağ” 2021-ci ilin yayında Norveçin “Höqesunn” klubundan transfer etdiyi Vadjini bu ilin avqustunda “Sent Etyen”ə satıb. Fransa klubu ilə 3 illik müqavilə imzalayan seneqallı futbolçu bu müddətdə 10 oyuna çıxıb və 3 qolla yadda qalıb.
